(OMAN) بدون زعل

IT IS A BLOG IN ARABIC

Tuesday, January 24, 2006

شعر

صبحكم الله بالخير. اليوم ودي شعر.. بش مو شعر غزل..غثونا بشعر الغزل الله يغثهم.. الواحد ما يفتح جريده صفحة الشعر..كلها من اولها الى اخرها ..كلها غزل.. وحب ..وغرام. وشوق..اشتاقلكم عزرائيل قولوا امين..ما صارت يعني هدوا اللعب شوي يا اولاد الحلال .. ان ما دريتوا ترا اغراض الشعر مو بس غزل وحب.. عندكم شعر الحكمه و شعر الاخلاق وشعر الفخر (بس مو النفاق.)...شعر الهجاء (وين جرير .. فلا كعبا بلغت ولا كلابا) ..ايه والله ولا حتى بلغتوا
الهنود بشعركم هذا ... اليوم عندي قصيده للشاعر ناصر بن محمد السياري الخالدي ... عن الكرم
يقول الشاعر......
من شم ريح العشب زين النواوير
يطري عليه اللي مضى من شبابه

وشوف الخيول المسرجه والمظاهير
يجض قلبه ويتزايد عذابه!!
قبايلٍ تشبه لا بانات والنِّير
بين الكرم هو والظفر والحبابه
يا صبرهم وقت السنين المعاسير
من سَمع له سرٍ سكت ما حكى به
أقولها تعبير يا اهل التفاكير
عن شن مضى شفناه لا واسفابه
يا زين شب النار قْدْم المسايير
في وسط قفرٍ علّلته السَّحابه
والشعر يعرض للرجال المناعير
من قال: له قولٍ : على النار جابه
في بيت قرمٍ ما يهاب المخاسير
لا علّق الهرفي وشمَّر ثيابه
بيت الشَّعر ملفى الوجيه المسافير
بيت تثبت في حباله قطابه
ذولا مسانيدٍ وذولا محادير
ومن قال: أبا أمشي زودّواله زهابه
هذا الكرم.. ما هو نْفاقٍ وتبذير
الفرق واضح ما يصير مْتشابه
ناصر بن محمد السيارى الخالدى

0 Comments:

Post a Comment

<< Home